همسات قلب عبر الحدود

حبيبى ياللى..
عايش غريب بره الحدود
وانا وقلبى..
عايشين هنا مالناش وجود
حبيبتى انتى..
انتى وانا..
أزاى كدا؟
ما نكون سوا؟؟
والحب..بينا بالشكل دا؟؟؟

حبيبتى أنتى
انتى وانا
عذاب هناك
وعذاب هنا
واللى زرع عذابنا الهوى
ـــــــــــــــــــــــــــــــــــــــــــــ
يا ريت هوانا
يجمع لقانا
عبر الحدود

ياريت جروحنا
تنسى تزورنا
تانى من جديد

ونغنى ويا..
فرحة هالة
وعلينا طالة
زى الهلال..
فى ليالى عيد
ـــــــــــــــــــــــــــــــــــــــــــــــ

حبيبى ياللى بره الحدود..
عايش انا من غير وجود

حبيبى ياللى عنى بعيد..
القلب ناره...
يوم عن يوم تزيد تزيد